"Postais de Nadal en pictogramas". Accesibilidade e discapacidade.

O pasado 12 de decembro os Clubs de Letras dos respectivos centros do IES de Teis, IES As Barxas, IES Pedro Floriani e IES de Chapela celebramos un encontro virtual entre alumnado e profesorado nun relatorio sobre coidados, discapacidade e accesibilidade cognitiva. O obxectivo: concienciar sobre o compromiso que temos como sociedade de incluir e promover a participación de todas as persoas en todos os ámbitos da vida independentemente da condición de cadaquen. 

A iniciativa de felicitar as vindeiras festas de Nadal con postais e pictogramas partiu do IES de Teis e tivo moi boa acollida entre o alumnado participante de diferentes cursos e etapas educativas. Para explicar os detalles do emprego dos pictos falamos do proxecto educativo Alto alto como una montaña e contamos coa testemuña de Olga e as implicacións de ser nai e coidadora dun neno con TEA.

O alumnado do IES de Teis, Chapela e As Barxas deseñou as postais usando diferentes recursos e aplicacións tales como ARAASAC ou Pictotraductor de Pictoaplicaciones para finalmente intercambiar as felicitacións accesibles, contando coa colaboración da Asociación Andaina de persoas con diversidade funcional de Redondela que recibiron e leron as postais das alumnas de FP do IES de Chapela. Asímesmo, o resto de postais adaptadas fixéronse chegar aos respectivos participantes da iniciativa pasando despois a formar parte da decoración navideña.

Os usuarios de Asociación Andaina de persoas con diversidade funcional lendo as postais con pictogramas.

Velaquí as postais expostas nos IES de Teis, Chapela, As Barxas e Asociación Andaina.